Çmimi i madh “Luani i Artë” në Festivalin e Venecias është fituar nga filmi francez L’évenement”, i regjisores franko-libaneze, Audrey Diwan.
Në këtë film trajtohet tema dramatike e abortit të paligjshëm, ku interpreton edhe aktorja shqiptare nga Kosova, Luana Bajrami.
Ndërkohë filmi autobiografik “E stata la mano di Dio” i regjisorit italian Paolo Sorrentino, që si gjithmonë kishte në film aktorin e njohur Tony Servillo, protagonist i sukseseve të Sorrentino-s si “Il Divo” dhe “La grande bellezza” rrëmbeu çmimin special të jurisë.
Përsa i përket aktorit më të mirë u shpall John Arcilla me filmin “On the job” mbi korrupsionin e politikanëve dhe kompromiset e mediave.
Ndërsa aktorja më e mirë u shpall Penelope Cruz, protagoniste e dy filmave në festival, por që triumfoi me filmin e mikut të saj Pedro Almodovar, “Madres parallelas” në rolin e një mamaje single.
Kujtojmë se në eventin e madh, në Festivalin e Filmit në Venecia ishte edhe Aurela Hoxha. Modelja shqiptare shfaq në natën përmbyllëse të këtij evenimenti me një fustan të gjatë me dekolte të hapur.
“E lumtur që të jem sërish. Festivali i Filmit në Venecia 2021. Përpara tapetit të kuq. Faleminderit”, shkroi Aurela krahas fotove ku dukej e kuruar deri në detaje.
