Orinda Huta u bekua me një vajzë në muajin korrik. Ajo solli në jetë një vajzë, të cilën e pagëzoi me emrin e veçantë, Atara.
Që nga ai moment, Orinda na ëmbëlson herë pas here me imazhet e së voglës, të cilës i është përkushtuar totalisht.
Mbrëmjen e sotme e ka bërë një përjashtim dhe moderatorja ka vendosur të largohet për herë të parë nga Atara, edhe pse mendjen e ka pasur gjatë gjithë kohës te ajo.
Orinda ka zgjedhur të takohet më Xhemi Shehun, dhe na ka zbuluar se ajo ka qenë edhe personi i fundit që ka darkuar para se të lindte e bija.
“Our nite out.. e fundit qe takova para se te linde Atara dhe e para qe po kaloj stresin qe e kam lene per here te pare ne shtepi .. Xhemi Shehu”, ka shkruar Orinda.
Moderatorja ka treguar se të voglën e ushqen me qumësht gjiri dhe formulë, duke qenë se nuk është i mjaftueshëm qumështi i saj. Për këtë arsye, Orinda ju ka dhënë një mesazh të gjitha nënave të reja dhe grave që paragjykojnë nënat që nuk ushqejnë fëmijët me qumësht gjiri.
“Ky moment nuk ka çmim dhe lus Zotin çdo ditë të zgjasë sa duhet. Nuk ka formulë që e zëvendëson qoftë dhe thjesht lidhjen që krijohet. Megjithatë mungesa dhe problematikat që mund të dalin nuk duhet t’ju trishtojnë. Unë jam nga ato nëna që do e provoj deri në fund, ta mbaj me gji Atarën. Aq sa më ka rekomanduar mjeku. Se ia hedh në shishe a se ia jep direkt, nuk ka fare rëndësi. Megjithatë shëndeti i saj mbi të gjitha. Nëse nuk e ngop do përdor edhe formulën pa hequr gjirin. E mos na jepni shumë mend se si jepet me gji deri në 4 vjet (s’ka asgjë të bukur). Nuk ju bën më shumë nëna të mira se ajo që nuk mundet fare. Ndani eksperiencat, por pa drejtuar gishtin te nënat. Nuk më besohet sa aspak empatike janë disa gra”, shkruan Orinda.
