Marka e famshme “Gucci” do të nisë një koleksion të produkteve lifestyle më 10 shtator.
Koleksioni përmban më shumë se 100 produkte dhe përveç veshjeve, përfshin fletore, letra bixhozi, zara, tavëll, stilolapsa, maska për gjumë e jastëk.
Shumica e artikujve do të jenë të disponueshëm në internet në faqen zyrtare të markës.
Drejtori kreativ Alessandro Michele krijoi koleksionin e stilit të jetës së Gucci për të festuar “magjinë e jetës së përditshme”.
“Kur isha fëmijë, të shkoja në dyqan shkrimi dhe të gjeja lapsa, stilolapsa, fletore, lojëra, do të thoshte të fusja një ëndërr në rutinën time të përditshme. Ishin objekte të shkëlqyera, të punuara mirë dhe ishin në gjendje të jepnin një atmosferë magjike, misterioze dhe të mrekullueshme, “,- tha ai përmes një deklarate për mediat.
“Kështu, unë imagjinova një kabinet të vogël kurioziteti, një mrekulli, si shpella e Ali Babës, që mund të strehonte këto objekte të përditshme dhe t’i kthente ato në një dimension përrallor. Unë mund t’i kisha përfshirë ato në koleksione shumë kohë më parë, por ato nuk ishin të lidhura ngushtë me veshjet dhe aksesorët” ,- shtoi Alessandro.
Gucci vjen me risi aksesorësh dhe tashmë gjithçka mund të “bërtasë” Gucci. Nga sendet më të thjeshta, te ato më pak të zakonshme, marka e preferuar në gjithë botën po hedh një hap tjetër.
Pjesë nga koleksioni:
