Rrugëtimi i Fjorela Petos në emisionin “Për’puthen” ishte shumë i shkurtër. Ajo e mori vetë vendimin për t’u larguar nga emisioni dhe tregoi se kishte gjetur dashurinë jashtë “Për’puthen” e se dëshironte t’i qëndronte besnike.
“Mendjen e kam te njohja jashtë se sa tek djemtë këtu”, u shpreh Fjorela para largimit.
Ndërkohë burime pranë familjes së ish-konkurrentes të “Për’puthen” kanë zbuluar më herët për “Iconstyle.al” se Fjorela po jeton ditët e saj më të lumtura. Ajo është në një marrëdhënie me një djalë që jeton jashtë shtetit dhe që quhet Ani Brakaj. Sipas këtyre burimeve, partneri i Fjorelës është i angazhuar me një biznes privat. Madje në profilet e tyre në Instagram vihet re se ata e ndjekin njëri-tjetrin. Për më tepër djali në fjalë ka publikuar një video nga makina, ku në sediljen e pasagjerit shihet e ulur një vajzë me flokë të zeza të gjata
Më herët mësuam se Fjorela shumë shpejt do të bëhet nënë për herë të parë, sepse është në pritje të ëmbël. Ajo po planifikon që të jetojë me partnerin në Belgjikë pasi të celebrohen bashkë.
Para disa ditësh është publikuar një foto e Fjorelës në të cilën vihet re barku i rrumbullakosur, ku lihet të kuptohet që shtatzënia e ka bërë shumë gjumashe.
Së fundmi, burime ekskluzive për “Iconstyle.al” kanë bërë me dije se para dy javësh çifti zbuloi gjininë e fëmijës dhe së shpejti ata do të bekohen me një vajzë, madje kanë zgjedhur dhe emrin e saj, Evita.
Sipas burimeve, procesi i marrjes së lejes së qëndrimit në Bruksel po ecën mirë për Fjorelën pas celebrimit me partnerin e saj dhe në fund të tetorit do të shpërngulet përfundimisht atje.
Fjorela nuk poston fare foto të reja në Instagram pasi do të shijojë ditët e fundit të shtatzënisë në fshehtësi dhe në qetësi të plotë.
