Luana Vjollca është një ndër moderatoret më të përfolura të ekranit shqiptar. Duke parë ndryshimin e madh që ka pasur ndër vite në pamjen e saj, Luana është akuzuar shpeshherë se bukuria e saj i dedikohet ndërhyrjeve kirurgjikale.
Së fundmi, ajo ka ndarë në Instastory disa video me nënën e saj teksa diskutojnë për të kur ka qenë fare e vogël.
Duket se kjo bisedë e ka bërë mjaft nostalgjike moderatoren, e cila më pas ka ndarë një imazh kur ka qenë në vitet e para të jetës.
“Ja për çfarë e kemi fjalën”, ka shkruar Luana krahas fotos nga fëmijëria.
Moderatorja këto kohë ka qëndruar shumë e heshtur dhe ende nuk ka zbuluar se me çfarë do të angazhohet gjatë sezonit të ri televiziv. Ndryshe nga vitet e shkuara kur ajo i rikthehej menjëherë punës në fund të gushtit, këtë herë ajo nuk ka publikuar asnjë foto nga ambientet e zyrës së saj. Luana nuk ka konfirmuar asgjë për sezonin e ri të “Shiko kush luan” dhe nuk dihet nëse ky program do të rikthehet sërish në ekran.
Kujtojmë se këto kohë Luana është përfolur edhe se mund të jetë larguar përfundimisht nga “Top Channel”. Burime për “Gazeta Express” bënë me dije se ajo po largohet nga ky televizion dhe tashmë emisionet e saj do të mbajnë logon e një televizioni tjetër, por ky lajm nuk është konfirmuar ende.
