Siguria e rrjeteve sociale është një temë që diskutohet shumë shpesh, megjithatë çdo ditë edhe më shumë rritet numri i hakerave.
Së fundmi një situatë e pakëndshme që lidhet me rrjetet sociale i ka ndodhur edhe kantautorit shqiptar, Pirro Cakos, i cili ka njoftuar që të gjithë fansat e tij nëpërmjet Instagram-it se faqja e tij në Facebook është vjedhur.
“Ju bej me dije se faqja ime ne facebook (funpage), eshte vjedhur dhe nuk administrohet me nga une”, ka shkruar Pirro Cako në InstaStory.
Më herët, u zbulua se kantautori Pirro Çako u bë baba për herë të dytë. Lajmin e bëri të ditur “Bordo” dhe u mësua se Pirro ishte bërë sërish baba i një djali, që është pagëzuar me emrin Amadeus.
Ky lajm i surprizoi të gjithë, sepse kantautori shfaqet shumë rrallë në intervista dhe nuk preferon të flasë në lidhje me jetën e tij private. Dy vite më parë u bë i ditur lajmi se Pirro kishte nisur një romancë me një bjonde të re në moshë, por identiteti i saj nuk u bë kurrë i ditur.
Pirro ishte shprehur më herët se nuk kishte plane për një fëmijë tjetër pas Anthony-t, por me nisjen e romancës së re gjithçka ka ndryshuar në jetën e tij. Është mësuar se partnerja e kantatutorit punon si kancelare në një institucion të rëndësishëm të drejtësisë në vend dhe është gati 20 vite më e re.
