Dafina Zeqiri ka qenë padyshim një nga artistet më aktive në muzikë këto kohë. Këngëtarja ka realizuar një sërë këngësh dhe një pjesë prej tyre janë në radhë për t’u publikuar të cilat do të jenë pjesë e albumit të saj më të ri “Dafinë moj”.
Cover-i është mjaft i veçantë ku ajo shfaqet në një fushë me dele, teksa mban në duar një qengj të vogël. Koncepti i fotografisë bazohet në dashurinë që çdo nënë ka për fëmijën e saj.
Duket se ky imazh është pëlqyer shumë nga personazhe të njohur të skenës dhe ekranit.
Ka qenë Enca ajo që ka publikuar së fundmi në “InstaStory” një foto ku shfaqet duke pozuar si Dafina në kopertinën e albumit.
“Foto për albumin tim ‘Encë moj’”, ka shkruar Enca me humor krahas fotos dhe ka etiketuar Dafinën.
Kujtojmë se fotoja e cover-it të “Dafinë moj” shkaktoi një debat të madh në rrjet. Ashtu siç shihet, në mes të një tufe me dele, Dafina ka në duar të voglin e dhisë.
Ka qenë pikërisht kjo gjë, ajo që i ka konfuzuar që të gjithë ndjekësit e artistes.
Ndërsa një fanse i ka komentuar që t’i lutet pronarit të mos e therë këtë qingj dhe pas kritikave që e korrigjojnë Dafinën pse ka shkruar: “Goat” (dhi), ajo ka vendosur që t’i japë fund gjithë këtij debati.
“Po ta shohesh me vëmendje do të kuptosh që është bebi i një dhie dhe jo i deles. Sigurisht që unë e di më mirë kuptimin e coverit të artit tim”- ka shkruar ajo.
