Prej ditësh në media perflitet për një lidhje të re të Jasminës, të cilën ajo e bëri vetë publike. E ftuar në emisionin “Natën me Aulonën” ajo pranoi lidhjen e shumëpërfolur të dashurisë dhe u hap për herë të parë për djalin që i ka rrëmbyer zemrën. Megjithëse identitetin e tij nuk e zbuloi dhe tregoi se s’do ta publikonte kurrë në rrjete sociale, Jasmin tregoi se ai i dhuron ndjenja të bukura dhe qëndron non-stop me të, duke e bërë të lumtur. Ish-konkurrentja tha se pushimet verore i ka kaluar me të dashurin dhe persona të tjerë.
Dhe menjëherë pas kësaj interviste, ndjekëist e saj ju hynë kërkimeve për të gjetur kush është djali që i ka fituar zemrën. Ditët e fundit në TikTok ka nisur të qarkullojë një video, në të cilën fansat pretendojnë se kanë gjetur kush është i dashuri i Jasminës. Ata kanë publikuar foto të një djali brun, që përmbush të gjitha karakteristikat që Jasmina tregon gjatë intervistës në emision.
Menjëherë pas publikimit të kësja videoje ka reaguar edhe Jasmina. Ajo shpreht se disa gjëra dëshiron t’i mbajë private vetëm për vete, edhe pse tashmë është një person publik. Sipas ish-konkurrentes, djali në video nuk është i dashuri i saj dhe se ndjekësit i kanë bërë gjërat lëmsh.
“Boll bëtë editime, boll më bëtë bashkë me çdo lloj mashkulli që kam në Instagram. Po sikur t’ju them që nuk jam e lidhur? Po sikur t’ju them që ju kam gënjyer gjithë këto muaj? Unë kam dashur vetë të jem e hapur me ju, vetë i kam ndarë gjërat, ama deri në një pikë që ju të mos më hapni probleme dhe të mos më shqetësoni. Kështu që nëse vazhdoni kështu, po ju them se e gjithë kjo ka qenë një gënjeshtër, nuk jam e lidhur. Si do ja dilni tani?”, shprehet Jasmina.
