Artisti i njohur shqiptar, Ardian Bujupi zbuloi para disa kohësh surprizën e tij të madhe, të cilën po e prisnim prej muajsh. Këngëtari zbuloi se për 10-vjetorin e karrierës do të publikojë projektin më të rëndësishëm. Ai ka përgatitur një album me 10 këngë, i cili po ashtu mban titullin “10”.
“Këtë vit do të publikojë projektin tim më të madh për 10-vjetorin e karrierës. Siç më njihni, diçka muzikore po vjen me cilësi të pakrahasueshme, vepra më e mirë e karrierës sime dhe këtë gjë nuk e kam pretenduar kurrë në 5 albumet e mi. “10” do të publikohet pak para verës, 28.05.2021 dhe përfshin 10 këngë që janë realizuar me shumë punë. Unë jam gati për verën, ju jeni gati për “10”?”, shkroi Bujupi.
Ai është gati për verën e madje do na sjellë dhe surpriza. Përmes postimit të fundit, Ardiani njoftoi se kënga e tij e re do të publikohet së shpejti.
Artisti solli një video të shkurtër teksa shihet se klipin do ta xhirojë në Prishtinë.
“S’ka pardon” do të titullohet projekti më i ri muzikor i këngëtarit dhe fansat janë gjithë sy e veshë për të mësuar detajet e reja.
View this post on Instagram
Ndërkohë disa ditë më parë ai ngatërroi gjithë rrjetin, pasi publikoi në rrjete sociale foto me një bionde misterioze. Vajza në fjalë shihej duke ecur përkrah këngëtarit dhe të gjithë në një moment menduan se ajo ishte Loredana. Vajza në foto kishte një ngjashmëri shumë të madhe me reperen, por më vonë u zbulua se nuk ishte ajo.
Vetë Ardiani ka publikuar sot një tjetër video me bionden bukuroshe dhe ka zbuluar identitetin e saj, duke shuar dyshimet e fansave. Ai ka treguar se vajza quhet Semira dhe ndoshta këngëtari do të jetë duke bashkëpunuar me të për albumin e tij, ose ndonjë videoklip të ri.
