Vetëm dy orë para koncertit të madh në Prishtinë, këngëtari i operas Ramë Lahaj ka humbur personin më të shtrenjtë në jetën e tij.
E ëma e Ramës u nda nga jeta duke i lënë një boshllëk e dhimbje të madhe të birit, i cili mori forcën të dalë para qytetarëve dhe t’i “servirë” të gjithëve artin e tij, pavarësisht situatës së rëndë në të cilën ndodhej.
Vetëm pas koncertit, Ramë Lahaj ka njoftuar se e ëma e tij është ndarë nga jeta, me një postim në llogarinë e tij në Instagram.
“Miq, shokë e dashamir,
nanen Hale e varrosim sot më 8 gusht 2021 në varrezat e fshatit Lubozhdë të Istogut, në ora 16:00! Ju falëmnderit për ngushëllimet dhe kujdesin.
Familja LahajHale Lahaj 07.11.1944 – 07.08.2021”- ka shkruar ai.
View this post on Instagram
Më herët, Lahaj kishte bërë të ditur në rrjete sociale se për shkak të interesit të madh të njerëzve dhe dyndjes së tyre për koncertin, biletat mund t’i merrnin pa pagesë.
“Të dashtunit e mi,
Jam mrekullua me interesimin tuaj për biletat e koncertit të nesërm “Rame & Friends” që do të mbahet në sheshin Skënderbeu, më 7 gusht 2021 nga ora 20:30.
Jam i lumtur të ju njoftoj se mbas interesimit të madh ne kemi arritur të rrisim edhe numrin e ulëseve, kështu që nesër mund të shkoni të merrini biletat (pa pagesë) pran biletarisë së Teatrit Kombëtar nga ora 10- 13 & 18 -20.
Mirupafshim nesër loqkamana ?”
View this post on Instagram
Një ndër ditët e tij më të bukura u bë gjithashtu një ndër ditët me kujtimin më të hidhur të ndarjes nga jeta të nënës së tij.
