Lajmi se këngëtari serb, Goran Bregovic do të jetë i ftuar special për të performuar këtë vit në “Festën e Birrës” në Korçë ka revoltuar shqiptarët dhe mjaft personazhe të njohur të skenës dhe ekranit.
Fillimisht ishte Vesa Luma ajo që reagoi e shokuar dhe më pas të tjerë të famshëm dolën kundër kësaj ftese.
Ky lajm nuk u prit aspak mirë nga shqiptarët, sepse Bregovic është konsideruar si frymëzues e idhull i ushtrisë vrastare serbe gjatë luftës në Kosovë sidomos me këngën “Kalashnikov”.
Së fundmi, ka qenë Dafina Zeqiri ajo që ka lajmëruar se pas këtij lajmi, ajo ka anuluar pjesëmarrjen për të performuar në “Festën e Birrës” në Korçë.
Po ashtu, një reagim për këtë ka dhënë ditën e djeshme edhe Capital T, i cili nëpërmjet një njoftimi për fansat e tij, ka treguar se ishte i ftuar për të bërë hapjen e eventit, por me lajmin e ardhjes së Goran Bregovic-it aty, është detyruar që të anulojë performancën e tij.
“E ndjeva të rrugës që të reagoja për eventin e festës së birrës në Korçë për faktin se unë isha i ftuar për të bërë hapjen e atij evenimenti dhe realisht isha shumë i lumtur që të jem aty, afër njerëzve që e duan muzikën time edhe e duan prezencën time aty, por kur pashë se një artist serb siç është Goran Bregovic, prej të cilit janë inspiruar forcat serbe dhe kanë kënduar këngët e tij gjatë luftës në Kosovë, atëherë u detyrova që të anuloja performancën time. Iu kërkoj falje të gjithëve!
I bëj thirrje bashkisë së Korçës, absolutisht që të anulojë prezencën e tij në Shqipëri për faktin se konflikti Kosovë-Serbi është ende i hapur edhe nuk i takon asaj si institucion shtetëror që të sjellë një artist serb këtu në Shqipëri”, është shprehur Capital T.
View this post on Instagram
