Në Shqipëri kanë mbërritur 14 fëmijë dhe 5 gra shqiptare nga kampi i ferrit Al Hawl.
Kryeministri Rama do të zhvillojë një konferencë për mediat në aeroportin “Nënë Tereza”, përsa i përket kthimit të tyre në Shqipëri.
Kujtojmë se dje në operacionin e riatdhesimit të 19 shqiptarë ishin të pranishëm kryeministri shqiptar, Edi Rama dhe ministri i Brendshëm, Bledi Çuçi, ku u takuan me gjeneralin libanez Abass Ibrahim.
Lajmin e riatdhesimit e ka bërë të ditur fillimisht gazetari i NBC Mahmood Shikhibra. Në një postim në Twitter ai shkroi se familjet do i dorëzohen qeverisë shqiptare. Gazetari ka publikuar edhe një foto në të cilën shfaqen 5 gra dhe 3 fëmijë të vegjël me origjinë nga Shqipëria.
“Departamenti i Jashtëm në Administratën Autonome njoftoi se ata do i dorëzojnë disa familje të ISIS qeverisë shqiptare. Fotografia e disa grave dhe fëmijëve shqiptarë në kampin Roj”, shkruan ai teksa publikon një foto.
Po ashtu kryeministri Edi Rama ka njoftuar përmes një postimi në rrjete sociale se ka udhëtuar dje në Liban. Ai ka treguar se ditën e sotme ka mbërritur në Bejrut për të përfunduar operacionin e shpëtimit ë fëmijëve dhe grave nga kampi i ferrit në Al Hawl.
“Në Bejrut për operacionin e shpëtimit nga kampi i ferrit në Al Hol dhe kthimit të fëmijëve e grave të tjera në Atdhe
5 gra dhe 14 fëmijë shqiptarë nga kampet e vdekjes në Siri, nesër në Shqipëri, falë një operacioni të gjatë e të ndërlikuar inteligjence në terren dhe ndihmës së paçmueshme të gjeneralit Abass”, shkruan Rama.
View this post on Instagram
