Pas vizitës së saj surprizë në Tiranë, Dua Lipa shoqëruar nga i ati, Dukagjin Lipa ka dhënë një konferencë të përbashkët me kreun e Bashkisë së Tiranës Erion Veliaj ku të pranishëm kanë qenë edhe gazetarë.
“Me vjen mirë që sot kam mundësinë me “Sunny Hill” dhe që mund të ndihmoj sado pak. Kjo është një mënyrë e vogël se çfarë mund të bëj nga ana ime. I falënderoj të gjithë për mbështetjen”, ka thënë Dua.
Përsa i përket festivalit “Sunny Hill Festival”, Dua preferoi që të mos jepte shumë detaje teksa theksoi se pjesëmarrës do të jenë artistë të vendeve të ndryshme, shqiptarë po ashtu, po pa treguar emra konkretë.
“Presim që festivali të jetë 4 ditor”, ka thënë Dukagjin Lipa.
Në lidhje me mundësinë e realizimit të një këngë me vlerat, traditat shqiptare, Dua u shpreh se ka ende shumë punë dhe ndoshta kjo mund të arrihet nëpërmjet modernes dhe tradicionales shqiptare.
Një gjest mjaft human fshihet pas kësaj vizite dhe këtë na e ka zbuluar vetë Dua. Nëpërmjet disa fotove të publikuara në Instagram, këngëtarja ka treguar se ka ardhur në Shqipëri për të parë nga afër punimet që po zhvillohen për mobilimin e kopshtit me fondet që janë mbledhur nga shitja e bluzave “Lutu për Shqipërinë”, një iniciativë nga vetë këngëtarja në bashkëpunim me miqtë e saj.
“Pas tërmetit në vitin 2019 dhe me gjithë ndihmën tuaj duke blerë bluzat tona “Lutu për Shqipërinë” që krijova me miqtë e mi @bondnyc, unë dyfishova fondet dhe ato para do të shkojnë drejt mobilimit të gjithë këtij kopshti për 300 fëmijë. Jam mirënjohëse që jam këtu me familjen dhe miqtë e mi”, ka thënë vajza shqiptare me zemër të madhe, e cila na fali emocionet më të bukura sot me gjestin human që i meriton të gjitha duartrokitjet tona!
View this post on Instagram
