Jennifer Lopez po e shijon në maksimum romancën e saj me Ben Affleck. Ndërsa fotografohen herë pas here nga paparacët, kësaj radhe ka qenë mikesha e J.lo-së e cila i ka nxjerrë zbuluar dhe ka publikuar momente mjaft të ëmbla të çiftit.
Në ditëlindjen e aktores Leah Rimini, dyshja nuk kanë mundur që t’i shpëtojnë fotos së parë publike ku shihen të përqafuar, e cila u nda në rrjete sociale nga mikesha e përbashkët.
Këngëtarja ka pranuar së fundmi se po kalon kohën më të mirë në jetë për momentit. Gjatë një interviste të fundit me Zane Lowe ajo është shprehur shumë e lumtur me jetën e saj.
“Jam shumë e lumtur. E di që njerëzit pyesin gjithmonë veten “Si është ajo? Çfarë po ndodh? Je mirë?’. Kjo është. Nuk kam qenë kurrë më mirë”, është shprehur Jennifer Lopez.
“Dua që njerëzit që interesohen për mua, sepse unë interesohem shumë për ta, ta dinë se jam në një fazë në jetën time ku ndihem shumë mirë me veten. Dhe mendoj se në momentin që arrin në këtë fazë, atëherë gjëra të mrekullueshme ndodhin, që nuk e imagjinon se mund të të ndodhin sërish në jetë. Dhe kështu pra këtu jam në këto momente”, ka thënë ajo më pas.
