Dy skuadrat e mëdha, Italia dhe Anglia do të ndeshen në stadiumin “Wembley” për trofeun e më të mirëve në Europë në një ndeshje që pritet të jetë mjaft emocionuese.
Me këtë rast nuk kishte si të mungonte një mesazh shumë special para kësaj ndeshje në përkrahje të Anglisë, mbretëresha e këtij vendi Elizabeth II.
“Pesëdhjetë e pesë vjet më parë isha me fat që i prezantova Kupën e Botës Bobby Moor-it dhe pashë se çfarë do të thoshte për lojtarët, drejtuesit dhe stafin ndihmës për të arritur dhe fituar finalen e një turneu të madh ndërkombëtar të futbollit.
“Unë dua të dërgoj urimet e mia dhe të familjes time për të gjithë ju për arritjen në finale të Kampionatit Evropian, dhe të dërgoj urimet e mia të mira për nesër me shpresën që historia të regjistrojë jo vetëm suksesin tuaj, por edhe shpirtin, angazhimin dhe krenarinë me të cilën jeni sjellë“, thuhet në mesazhin e saj.
Mbretëresha nuk është parë në asnjë ndeshje gjatë Euro 2020 dhe, sipas një zëdhënësi të Pallatit Buckingham, së shpejti do bëhet e ditur nëse ajo të jetë në shkallët e stadiumit.
Nga ana tjetër Princi William është një tifoz i madh i lojës së bukur dhe, pasi është parë në ndeshjet e mëparshme të Anglisë.
