Mozzik është një prej reperëve më në zë të momentit, i cili ka sjellë herë pas here projekte të reja muzikore. Ai është mjaft aktiv në rrjetet sociale, ku ndan me ndjekësit postime nga përditshmëria e tij. Së fundmi ai ka lajmëruar fansat nëpërmjet një postimi në Instagram se ka një surprizë për ta.
Pas një jave reperi do të publikojë këngën e tij më të re, të titulluar “Dashni me Fotoshop”.
“Sit bohet e premte , sit him n’diten e 9 korrikit n’ora 00:00 , e kom 1 torte te mire per krejte juve ?
D a s h n i me F o t o s h o p ?”, ka shkruar reperi krahas imazhit të shkëputur nga klipi i këngës.
Para pak ditësh, Loredana dhe Mozzik, publikuan këngën e tyre të parë pas ribashkimit. Kënga me titull “Rosenkrieg” tregon gjithë historinë e tyre pas ndarjes dhe videoklipi i dy artistëve flet shumë.
“Çdo gjë ndodhi sepse ne ishim shumë të dashuruar. Tani të gjithë po jetojnë me luftën tonë të trëndafilave. Shumë ndjenja u kthyen në politikë”, shprehen dyshja në këngë.
Loredana shprehet në pjesën e saj se të gjithë të vërtetën e ndarjes e dinë vetëm ata të dy, edhe pse të gjithë mendonin se ishte faji i saj. Kurse Mozzik tregon se gjatë ndarjes ka dalë me shumë vajza të tjera, por më pas kuptoi se pa Loredanën nuk ka kuptim bota, sepse më ta ka jetuar momentet më të bukura.
Kjo këngë, që është si një libër i hapur për jetën e artistëve, u pëlqye shumë dhe mënjeherë theu rekorde. “Rosenkrieg” arriti të renditej e para edhe në top listën gjermane “Offizielle Deutsche Charts”.
Po ashtu dyshja kanë sjellë së fundmi dhe këngën “Oh Digga” që është pëlqyer menjëherë nga fansat.
