Një ngjarje e rëndë është regjistruar në Velipojë në orët e para të mëngjesit të kësaj të diele. Pas në sherri banal për ndarjen e rërës dhe shezlongeve në plazh, 4 persona mbetën të vrarë dhe 2 të tjerë të plagosur.
Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Myzerim Zeneli vetëm 20 vjeç mbeten të vdekur në vend pas përplasjes me armë të pronarëve të dy hoteleve.
Akoma më tragjik ishte fati i 20-vjeçarit që humbi jetën, i cili ditën e djeshme kishte filluar punën si kamarier në hotelin Gocaj. Dita e parë e tij e punës rezultoi fatale dhe rezultoi të ishte dhe dita e fundit e jetës.
Po ashtu nuk do të jetë më e njëjtë jeta edhe e një të mituri, vetëm 17 vjeç. Nipi i Kujtim Ferracakut, Elmilind Dyli, ka marrë një plumb në gju dhe mjekët po mendojnë t’i presin këmbën. I plagosuri tjetër është vëllai i Ferracakut, 54 vjeçari Hasan Ferracaku i cili ndodhet në gjendje të rëndë në Spitalin e Traumës.
Ferracaku, pronar i Hotel ‘Fantazia’ është përplasur me armë me vëllezërit Gocaj, pronarë të hotelit ‘Gocaj’. Bizneset e tyre ndodheshin vetëm 50 metra larg njëri-tjetrit.
Dyshohet se konflikti nisi ditën e djeshme për shezlongët e plazhit. Sipas informacioneve paraprake të policisë mësohet se kanë shkuar anëtarët e familjes Ferracuku që kanë shkuar në mesnatë në hotelin e Gocajve për të sqaruar konfliktin për shezlonët. Dy pronarët e hoteleve janë përplasur me njëri-tjetrin dhe konflikti ka degjenruar me përdorimin e armëve.
