Mbrëmjen e kësaj të shtune, Donald dhe Romeo ishin të ftuar në emisioni Soirée me Jonida Shehun, të cilët kanë zbuluar edhe detaje nga jeta e tyre personale.
Binjakët kanë konfirmuar që për momentin nuk janë në një lidhje dhe mesa duket po shijojnë jetën e tyre single.
Ata ju kanë kthyer përgjigje edhe disa prej komenteve që ndjekësit kanë bërë për këngën e tyre “Margarita”.
Një ndër komentet ishte: “Bravo cuna. Kur po bën këngë Luli “Për’puthen”, jo më ju”
Donald Veshaj në fillim u përgjigj duke pyetur se kush është Luli i “Për’puthen”, ndërsa më vonë shtoi se “e sheh Për’puthen”, moderuar nga Bora Zemani me të cilën ai ka patur një histori të bukur dashurie.
Po ashtu, dy vëllezërit folën për këngën që sapo kanë lançuar e titulluar “Margarita”, ku për tekstin e këngës janë kujdesur edhe Getinjo e Alban Kondi.
Veshaj kanë treguar që nuk duan vërtet të tregojnë që janë këngëtarë, por duan që me muzikën e tyre vetëm të argëtojnë njerëzit.
Binjakët kanë pohuar që nuk janë aspak dakord që këngët të trajtojnë vuajtje apo dhimbje, prandaj kënga e tyre ka tjetër fokus.
Pjesë nga biseda:
Donald: Ke parë njeri që ka vdekur nga dashuria ti? Vuan njeriu, po e ka vuajtjen personale
Jonida: Si e ke vuajtjen ti?
Donald: Unë shkoj te dushi. Ulem në gjunjë me gjithë rroba dhe hap ujin e rri gjysëm ore.
Ndërsa Romeo Veshaj shtoi: “Dua që kur të hap radion mos dalin disa materiale që kanë energjinë e “ty do të të kthehet gjithçka që më bëre. Oh ne u ndamë, por ne do kthehemi një ditë”. Jeta është e bukur shijoje. E kemi ne në dorë që të bëjmë disa gjëra me energji të mirë. Pse duhet t’i këndosh dhimbjes. “oh do të ta kthejë Zoti që me le. Çdo ndarje është e bukur. Pse ti marrim gjënë e keqe githckaje?”
