Aktori i njohur për rolin e James Bond, Daniel Craig, raportohet se nuk pranoi të luante në dy filmat e tjerë me imazhin e personazhit në fjalë. Bashkë me këtë ai refuzoi edhe shumën prej 150 milionë dollarësh që i ishte ofruar.
Aktori kompletoi rolin e tij si spiuni MI6 në filmin e fundit “Spectre”, me një pagesë prej 65 milionë dollarë. Dukshëm ai luajti në mënyrën perfekte, për sa kohë që studio është e dëshpëruar për ta pasur sërish aktorin në dy filma të tjerë, duke e rritur pagesën në mënyrë të pabesueshme.
“Të gjithë e dinë se sa shumë e adhurojnë drejtuesit atë dhe ideja e humbjes së tij në një kohë kaq kritike, nuk është një opsion, përderisa të gjithë agjentët e studios janë të shqetësuar”, thotë një burim për “Radar”.
Përpjekja e minutës së fundit për të përfshirë Craig do të thotë se Bond së shpejti ndoshta do të zëvendësohet nga kandidatët e mundshëm, Tom Hardy, Idris Elba, Tom Hiddleston dhe Michael Fassbender, vetëm nëse Sony arrin që të ndryshojë mendjen e aktorit në kohë.
Aktori, nga ana e tij, që pas filmit “Spektre” ka thënë se ishte lodhur dhe se ai do të ishte filmi i fundit. Craig do të jetë së shpejti i zënë në SHBA me serialin televiziv “Purity”.
Burimi: HypeBeast
