Në muajin mars, këngëtari Trim Jetullahu humbi njeriun e tij më të dashur, babain. Nazmi Jetullahu ndërroi jetë në mes të muajit mars dhe këtë lajm e bëri të ditur vetë këngëtari nëpërmjet një postimi në Instagram.
Trimi ndau lajmin e hidhur pasi publikoi një foto të babait të tij të ndjerë.
“Me pikëllim të thellë njoftoj miq dhe familjarë, se sot me daten 21 Mars 2021, ka ndërru jetë babai im Nazmi Jetullahu. Varrimi bëhet nesër më 22.03.2021 në ora 12:00 (në kohën e drekës) në varrezat e qytetit të Prishtinës (Dragodan)”, shkroi Trimi.
Më pas ai ndau një foto me të atin dhe i bëri një dedikim shumë prekës.
“Ahh bab shumë e kafen e llafin e kena bo bashkë. Të kom pas shokun ma të mirë të jetës, shpejt më le vet… Krenar që jam djali yt. Shihemi në botën tjetër Naxi jem”, shkroi këngëtari i njohur.
Ndërkohë para disa ditësh pas një mungese të gjatë në rrjete sociale ai u rikthye sërish me një postim.
“Po, u riktheva. Por nuk do të harroj kurrë. Gjithçka e bëj për ty”, shkroi Trim Jetullahu në një postim në Instastory.
Ndërsa sot ai ka zbuluar se ka bërë realitet ëndrrën e tij më të madhe. Këngëtari ka treguar se ka blerë një shtëpi të re dhe ka publikuar një foto brenda saj.
“Ëndrrat bëhen realitet! Shtëpi e re! Faleminderit Zot për gjithçka”, shkruan Trimi në postim.
