Një 41-vjeçar u ndoq dhe u rrah për vdekje nga një grup adoleshentësh pasi e dashura e tij u tha disa të rinjve se ai kishte duke ushtruar dhunë mbi të.
Viktima është Fred Valdamar Ortiz, i cili u vra të hënën e kaluar afër një dyqani në Magna, Utah, SHBA.
Sipas ngjarjes që u rindërtua nga hetuesit, një grup të rinjsh, djem dhe vajza midis 13 dhe 19 vjeç e ndoqën atë. E gjitha nisi kur ky grup fillimisht kishte vizituar shtëpinë e të dashurës së burrit për të blerë një qenush pasi gruaja ishte një mbarështuese e qenve.
Ndërsa ishin atje, ato biseduan me të dashurën e 41-vjeçarit, e cila është shtatzënë. Të rinjtë vunë re se ajo kishte syrin e nxirë. Kur u pyet se çfarë kishte ndodhur, gruaja dyshohet se rrëfeu se ishte partneri që e kishte goditur atë disa ditë më parë. Në atë moment, lindi një grindje midis grupit dhe burrit, i cili vazhdoi më pas me ndjekjen në rrugë dhe vrasjen e 41-vjeçarit, i cili ka lëzivur me një skuter ndërsa adoleshentët e ndoqën atë me makinë.
Një nga grupi dëshmoi se makina e drejtuar nga 19-vjeçarja Osyeanna Maria Martinez e goditi Ortiz-in dhe e rrëzoi. Burri vazhdoi të ikte në këmbë, por përfundimisht u arrit dhe u rrah egërsisht së pari me shkelma dhe grushte, por më pas edhe me një shtizë në momentin që ishte në tokë.
Për vrasjen, policia arrestoi tre të rinj ndërsa të tjerët janë nën hetim. Djemtë deklaruan se ata e njihnin gruan dhe donin të merrnin drejtësi vetë pa raportuar policinë pasi kishin frikë se ai mund të dëmtonte sërish partneren e tij.
