Orinda Huta së shpejti do të bëhet nënë për herë të parë. Moderatorja e njohur është në pritje të një vajze, që mund të vijë në jetë nga momenti në moment. Orinda është në muajin e nëntë të shtatzënisë, ndaj brenda pak ditësh mund të mbajë në krahë të voglën e saj.
Tashmë që pritja e ëmbël po shkon drejt fundit, Orinda ka filluar ta ndjejë akoma më shumë nepsin e shtatzënisë. Ditën e sotme ajo ka zbuluar se cilat ka qenë ushqimet që ka konsumuar gjatë kësaj kohe. Ajo ka publikuar në Instagram një video, në të cilën shihet duke rregulluar flokët e në të njëjtën kohe duke konsumuar fruta. Ajo ka treguar se molla jeshile ka qene “mikja e saj më e mirë” gjatë kësaj kohe.
“Kur je me vrap… Molla jeshile, fruti i 9 muajve. Se kisha ditur që e paskam dash kaq fort”, shkruan Orinda përkrah videos.
Para pak ditësh, moderatorja zbuloi se 1 dite pasi kishte marrë lajmin e pritjes së ëmbël, kishte mësuar se ishte prekur edhe nga Covid-19. Ajo nuk dha shumë detaje, por la të kuptohet se infektimin e ka kaluar në gjendje të lehtë.
“Duke bërë xhiro nëpër albume, del kjo foto. Kthehesh aty dhe mendon, 1 ditë para ke marrë lajmin e bukur, ndërkohë që ndjen ethe sepse të nesmërmen do konfirmohesh me Covid-19 prej analizave. #zotieshteimire”, shkroi Orinda krahas një postimi.
