Ishte një film që përcaktonte një zhanër dhe Bridget Jones u rikthye po aq popullore sa në fillimet e saj. Mbrëmjen e së hënës Renee Zellweger udhëhoqi në mënyrë mahnitëse në premierën e Londrës të filmit “Bridget Jones’s Baby”.
I shoqëruar nga i dashuri muzikant Doyle Bramhall II, aktorja 47-vjeçare bëri një paraqitje të mrekullueshme në “Leicester Square”, ku fansat ishin mbledhur për të pritur yllin e “Hollywood”-it, para prezantimit të komedisë romantike.
Ajo festoi një rikthim ngazëllues si e pafata Bridget Jones, 12 vite pasi luajti për herë të parë personazhin dhe Renee shkëlqente me fustanin saten me një shpatull, ndërsa pozonte në tapetin rozë.
Dizajni i fustanit të koleksioni Couture vjeshtë 2016 nga Schiaparelli shërbente për të theksuar strukturën elegante të Renne, me karficën e një tigri që i jepte paraqitjes më shumë sofistikim.
Aktorja u shfaq me flokët e mbledhura, me shprehjen e saj të gjallë në fytyrë dhe makijazhin natyral.
Ajo shoqërohej nga dy aktorët e tjerë kryesorë, Patrick Dempsey dhe Colin Firth, të cilët u shfaqën me shumë klas me bashkëshortet e tyre. Pjesë e ceremonisë së premierës së filmit mes të tjerëve u bënë edhe novelistja Helen Fielding, aktorja Emma Thompson, regjisorja Sharon Maguire, këngëtaret Ellie Goulding, Rebecca Ferguson dhe Jamelia.
*Shfleto galerinë
Burimi: Daily Mail
