Rinian Leka, ish-konkurrenti i “Për’puthen”, pranoi para disa javësh se kishte gjetur dashurinë e jetës. I ftuar në emisionin “Shqipëria Live”, ai tha se është njohur me një vajzë jashtë programit dhe se zemra ka filluar t’i rrahë.
“Zemra ka rifilluar të rrahë. Njohja ka ndodhur, tashmë them se jemi në fazën e dashurisë. Nuk ka lidhje me ‘Për’puthen’, as me shoëbiz-in. Kemi pasur një kontakt kur po lija programin”, rrëfeu ai.
Gjatë festës së “Për’puthen”, në përfundim të emisionit, ish-konkurrenti u shfaq në shoqërinë e partneres së tij të re. Riniani u pa në festë me partneren e tij të re, me të cilën duket se shfaqet kudo. Gazetari Ervin Kurti publikoi në Instagram një foto të tyre, ku ata shfaqeshin shumë afër njëri-tjetrit e shumë të dashuruar.
Ndërkohë sot Riniani ka vendosur ta prezantojë vetë publikisht partneren e tij. Ai ka publikuar për herë të parë një foto përkrah saj , duke treguar se është i dashuruar kokë e këmbë.
“Buzëqeshja e saj”, ka shkruar Riniani përkrah fotos me partneren.
Gjithashtu ai e ka etiketuar në postim, duke zbuluar se partnerja e tij quhet Anisa Berliku. Në profilin e saj në Instagram, ajo shkruan se punon si avokate në Spanjë dhe se është nënë e një vajze të quajtur Chloe.
