Sezoni i ri i emsionit të njohur të humorit “Portokalli” startoi mbrëmjen e 14 marsit në televizionin “Top Channel”.
Ashtu siç u njoftua, në moderimin e këtij programi do të ishte Fjoralba Ponari në krah të Salsano Rrapit, e cila ia doli me sukses të përshtatej me këtë format që në natë të parë.
Tani që këtij sezoni po i vjen fundi, fansat e bukuroshes janë mjaft kuriozë të dinë nëse ajo do të jetë sërish pjesë e këtij formati në të ardhmen.
“A do jesh sezonin tjeter si prezantuese ne portokalli”, e ka pyetur ndjekësi.
“Ne deshiren dhe dienine time deri tani,po… por cfare nuk ben vaki”, i është përgjigjur moderatorja duke shuar kështu kuriozitetin e të gjithë fansave, të cilët duhet të jenë shumë të lumtur për këtë fakt.
Kujtojmë se komplimentat drejtuar moderatores së re të emisionit ishin të panumërta, teksa Fjoralba mori edhe “bekimin” e ish-moderatores së këtij emisioni, Xhemi Shehut.
“Suksese, e meriton”, ka shkruar Xhemi në foton e Fjoralbës, duke e uruar dhe përgëzuar për performancën e saj.
Fjoralba fitoi simpatinë e të gjithëve, por atë s’do ta shihnim në “Portokalli” po të mos ishte për Argjira Spancën, kolegen dhe mikeshën e saj më të mirë.
Argjira ishte ajo që e bindi Fjoralbën në moment të fundit të merrte pjesë në audicionet e programit, siç ka treguar edhe vetë Fjoralba.
“Si shkove në audicionet e “Portokallisë” kur kishe dyshime?”– i shkruante dikush, ndërsa moderatorja tregonte:
“Insistoi Argjira Spanca që të mos e humbisja si mundësi. Jam paraqitur ditën e fundit të audicioneve, 3 ditë para fillimit të spektaklit.”– tregonte ajo.
