Një muaj më parë, jeta e Arbenita Ismajlit dhe Feros ndryshoi plotësisht. Dyshja u bënë prindër për herë të parë, me një vajzë që e pagëzuan me emrin Nina.
Megjithëse ishin disi “skeptikë” në fillim, ata vendosën ta ndajnë me të gjithë portretin ëngjëllor të vajzës së tyre, që tashmë është një ndër bebushët më të komentuar të Instagram-it.
Mami Arbenita s’na i kursen më momentet e bukura me të voglën e saj, ashtu siç ka bërë edhe sot.
Ajo ka ndarë në InstaStory foto e video me Ninën, si dy shoqet më të mira të njëra-tjetrës dhe na e ëmbëlsuan ditën!
Arbenita vendosi që vogëlushen ta sillte në jetë në një spital në Gjermani, vend në të cilin dyshja jetojnë prej kohësh. Mirëpo kur kaloi 1 muaj nga lindja e vogëlushes së tyre, Arbenita ka shpërthyer në akuza kundër spitalit në të cilin lindi.
Ajo ka treguar se ky spital ka një website, në të cilin publikon foto dhe emrat e të gjithë bebuashave që vijnë në jetë atje. Mirëpo e vogla e Arbenitës dhe Feros nuk duket gjëkundi dhe kjo e ka revoltuar shumë modelen. Arbenita shprehet se kjo e bën të ndihet e pabarabartë me nënat e tjera që kanë lindur atje dhe se është mosrespekt i madh nga ana e spitalit.
Nuk e dimë nëse ky është një rast racizmi, duke qenë se Arbenita dhe Fero janë shqiptarë, por këtu modeles shqiptare i japin me siguri të gjithë të drejtë.
“Spitali ku linda në Gjermani nuk e postuan kurrë vogëlushen time në faqen e tyre, ashtu siç kanë bërë gjithmonë me çdo fëmijë që ka lindur atje. Nuk them se po vdes që ata ta bëjnë këtë gjë për mua. Por më duket mosrespekt dhe e pasjellshme nga ana e tyre. Kjo më bën të ndihem e pabarabartë me nënat e tjera që kanë lindur atje. Dhe vogëlushja ime nuk vlen më pak se bebat e tjerë që kanë lindur atje. Ps vajza ime ka lindur në 24 prill”, shkruan Arbenita.
