Pas një mungese të gjatë në muzikë për shkaqe personale, Melinda Ademi u rikthye sërish me një projekt të ri. Para 4 ditësh reperja publikoi këngën “Qa din ti”, që u prit mjaft mirë nga publiku. Deri më tani kjo këngë numëron mbi 2 milionë klikime në “Youtube” dhe sigurisht që do të jetë pjesë e listës së hiteve të verës së këtij viti.
Mirëpo përfundmi i këngës “Qa din ti” ishte disi i çuditshëm dhe i pakuptueshëm për fansat. Në 40 sekondat e fundit gjithçka ndryshon dhe Melinda këndon diçka tjetër, që nuk lidhet me këngën e saj. Në fakt kjo ka qenë një strategji e mirëmenduar nga ana e këngëtares, sepse ajo ka dashur të japë një mesazh përmes këtij ndryshimi të habitshëm.
“Prive” ka mësuar se fundi i këngëve do të jetë i tillë për disa projekte rresht, pasi do të paralajmërojë këngën e radhës. Zinxhiri do të vazhdojë në këtë formë deri në plotësimin e krijimeve muzikore që Melinda ka në plan t’i publikojë. Shumë shpejt reperja do të sjellë edhe bashkëpunime për t’u siguruar se vera do të jetë shpërthyese.
Kujtojmë se për projektin “Qa din ti” pati reagime të shumta, mes tyre edhe kritika, siç ishte ajo e reperes tjetër Gjira. Një deklaratë e Gjirës për këngën e re të Melindës bëri bujë të madhe në media dhe rrjete sociale. Ajo kritikoi publikisht reperen për këngën e re “Qa din ti”, për shkak se disa muaj më parë Melinda humbi nënën e saj.
“Në mars i ka vdekur nëna nga kanceri e në maj lanson këngë duke u dridhur në tanga. Më fal po këto femna nuk po mundem të i marrë seriozisht. %moral % ndërgjegje, %talent %shije. Pusho në paqe”, shkroi Gjira në reagimin e saj.
Mirëpo më vonë, pasi u përball me reagimin e ashpër të fansave të Melindës, Gjira u detyra të shpjegohej publikisht dhe tregoi se ishte sqaruar në privatësi me kolegen e saj. (KLIKO)
