Që nga momenti i lidhjes me Travis Barker, Kourtney Kardashian ka qenë në qendër të vëmendjes mediatike. Shumë fansa madje kanë nisur të dyshojnë se kjo lidhje po ndikon aq shumë tek ylli i televizionit sa ajo ka nisur të ndryshojë edhe stilin.
Së fundmi, Kourtney ka publikuar në Instagram një foto të saj ulur në një bar veshur me një stil “funky”. Ajo shfaqet veshur me një palë xhinse të grisura, një kanatiere, xhaketë dhe syze. Ky stil duket se ndjekësve nuk ju është dukur i përshtatshëm për Kourtney-n, ndaj ata mendojnë se ajo po përshtatet me partnerin e ri.
“Stili nis të ndryshojë”, i ka komentuar dikush, duke ju referuar lidhjes me Travis.
Kourtney-t i ka rënë në sy ky koment dhe i ka kthyer menjëherë një përgjigje ndjekësit.
“Kjo foto është nga 2019-ta, por OK”, është përgjigjur ajo shoqëruar me një puthje.
Kourtney dhe Travis nisën marrëdhënien në muajin janar dhe në një kohë të shkurtër gjërat mes tyre avancuan shumë shpejt. Ata kanë qenë me pushime bashkë kudo, i kanë bërë vazhdimisht dhurata luksoze njëri-tjetrit dhe nuk kanë nguruar ta shprehin publikisht dashurinë. Madje pak kohë më parë Travis vendosi të bënte tatuazh emrin e Kourtney-t në kraharorin e tij.
