Diva e muzikës pop, Beyonce, festoi dje 35-vjetorin e saj të lindjes. Në ditën e saj më të rëndësishme të vitit, ajo vendosi që jo vetëm të pranonte dhurata, por dhe ti jepte një të tillë fansave të saj.
Si për të falënderuar të gjithë ndjekësit e saj për urimet, ajo publikoi këngën “Hold Up”, e cila është kënga e dytë e albumit “Lemonade”.
Video nis me pjesën më të preferuar të të gjithëve, këngëtarja që pluskon në një dhomë që ndodhet poshtë ujit, ndërsa reciton. Klipi merr vëmendje, për shkak të tonit të tekstit, që prekë temën e pabesisë dhe të tradhtisë, ndërsa pjesa poetike mbyllet me fjalët “Pse po më tradhton?”.
“Nuk mund ta shikosh që nuk ka njeri tjetër mbi ty? Çfarë mënyrë e keqe për të trajtuar një femër që të do”, këndon Bey para se të thyejë xhaminë e një makine me një shkop bejsbolli. Pavarësisht se kush e bëri atë, ne e dimë që ajo nuk ishte e lumtur për diçka!
Burimi: Hollywood Life
