Ali Fazeli Monfared është 20 vjeçari i ekzekutuar nga gjysmë-vëllai i tij dhe kushërinjtë e tyre për shkak të orientimit të tij seksual.
Kjo ngjarje e rëndë ka ndodhur në Iran dhe po bën xhiron e të gjitha mediave.
Monfared kishte aplikuar që të përjashtohej nga shërbimi ushtarak për shkak të seksualitetit të tij. Mirëpo, menjëherë sapo e kanë mësuar këtë lajm, familjarët e tij kanë marrë vendimin drastik duke i prerë kokën të riut, si dënim për orientimin e tij seksual.
Sipas mediave, pas aktit brutal, vëllai i 20-vjeçarit dhe dy kushërinjtë e tij e lanë trupin në një palmë në fshat, ndërsa më vonë njoftuan për vrasjen të ëmën e të riut.
Ali Monfared kishte planifikuar të udhëtonte për në Turqi për të takuar partnerin e tij, mirëpo planet e tyre nuk u realizuan.
Partneri i të riut ka shprehur hidhërimin e tij të madh për ngjarjen:
“Asgjë nuk është më e vështirë sesa je me shpresa se do e takosh personin që do brenda disa ditësh dhe më pas merr vesh që ka vdekur. Është shumë e vështirë të mos jem në gjendje ta shoh apo dëgjoj zërin e tij. Kjo është një dhimbje torturuese që do të mbetet në zemrën time deri në fund të jetës”- ka treguar ai.
