Pavarësisht se rrjeti po zien prej ditësh për një tjetër skandal tradhtie të Trsitan Thompson, ai nuk ka ngurruar t’i bëjë një dedikim Khloe Kardashian në rrjete sociale. Dje në disa vende u festua Dita e Nënave dhe për këtë rast të veçantë basketbollisti i bëri një urim yllit të televizionit.
Tristan postoi në Instagram një foto të Khloe-s, në të cilën ajo shihet përkrah vajzës së tyre, True.
“Gëzuar Ditën e Nënave! Të dua!”, shkroi ai duke e shoqëruar postimin me disa figura zemrash.
Khloe nuk i është përgjigjur postimit të Tristan ende, ndonëse për Ditën e Nënave ajo ka qenë shumë aktive në rrjete sociale. Siç duket situata nuk është aspak e qetë këtë herë dhe ndaj Khloe ka vendosur të mos reagojë as pas fjalëve të ëmbla të basketbollistit.
Thashethemet për tradhti nisën pasi një 23-vjeçare e quajtur, Sydney Chase, pretendon se ka shkuar me Tristan Thompson dhe se për herë të fundit ka kontaktuar me futbollistin pas 3-vjetorit të vajzës së tij, True.
23-vjeçarja ka shpjeguar situatën me detaje në një video të publikuar në TikTok. Ajo ka treguar se ka pasur një lidhje të shkurtër me Tristan në muajin janar, pasi basketbollisti i kishte thënë se ishte beqar. Si fillim ajo foli në lidhje me këtë çështje në një intervistë.
Sydney ka zbuluar edhe mesazhet që Tristan i ka dërguar në rrjete sociale. Gjatë një videoje live të regjistruar nga mikesha e Sydney, kjo e fundit ka treguar me zë të lartë mesazhet intime që basketbollisti i ka dërguar, duke i kërkuar edhe foto të trupit.
