Reperi i njohur dhe babai i Stormi-t, Travis Scott, ka festuar 29-vjetorin e tij të lindjes dhe si mund të mungonte një urim nga Kylie Jenner?
23-vjeçarja ka ndarë në llogarinë e saj në Instagram fotot më cute të Travis me të voglën e tyre, Stormi Webster, që është kthyer që prej lindjes në fëmijën më të famshëm në Instagram.
Kylie s’na i kurseu këto poza dhe krahas tyre, uroi reperin për ditëlindje.
“Gëzuar ditëlindjen babai i Stormi-t”- shkroi ajo, duke lënë të kuptohet se përveç kësaj lidhjeje, s’ka asgjë tjetër mes tyre.
Mirëpo, kjo është ajo që Kylie do: Që fansat të besojnë se s’ka asgjë më shumë mes tyre. Megjithatë, pamjet e ditëlindjes së Travis të cilat i publikoi vetë Kylie (mund të ketë qenë tapë), tregojnë të kundërtën për marrëdhënien e tyre.
Travis kërcen pranë Kylie-t dhe ajo e prek me këmbë, teksa duken shumë të afërt me njëri-tjetrin.
Pas kësaj videoje nisën sërish dyshimet se ata janë bashkë, por po përpiqen ta fshehin sa më shumë nga sytë e publikut këtë fakt.
Kylie dhe Travis nisën një lidhje bashkë në vitin 2017 dhe në shkurt të 2018 pritën vajzën e tyre të parë. Më pas në tetor të 2019, Kylie Jenner konfirmoi se ishte ndarë nga reperi, por do të kujdeseshin të dy për vajzën e tyre.
Kujtojmë se dyshja e nisën vitin 2021 në shoqërinë e njëri-tjetrit. Dyshja u fotografuan bashkë me vajzën e tyre Stormi-n duke festuar Vitin e Ri në një vend turistik. Ata kanë bërë ski me vogëlushen e tyre dhe sigurisht kjo ka qenë një arsye më shumë që i ka përforcuar fansave mendimin se ata janë ribashkuar.
