Khloe Kardashian është gati të lëvizë afër rezidencës së nënës së saj Kris Jenner. Nënë e bijë janë duke ndërtuar dy shtëpi super të mëdha në Hidden Hills brenda një toke prej 3 hektarësh. Të vendosura brenda një lagjeje ekskluzive e të pasur, dy shtëpitë janë shumë afër njëra-tjetrës dhe Kris mund ta takojë sa herë të dojë mbesën e saj, True.
Ndërtimi i rezidencave po shkon drejt fundit, ndërkohë që këto ditë janë parë disa punëtorë që po ju japin dorën e fundit. Këto rezidenca janë ndërtuar në stilin e fermave moderne, modeli i preferuar nga personazhet e famshëm kohët e fundit. Nuk dihet se cila shtëpi do të jetë e Kris dhe cila e Khloe-s, por njëra nga rezidencat është 16.500 metra katrorë dhe ka 8 dhoma gjumi, 8 vende parkimi, një shtëpi për mysafirët, kinema dhe palestër. Të dyja rezidencat kanë nga një pishinë dhe një hapësirë gjigante në pjesën e jashtme. Ende nuk dihet se sa kanë paguar Kris dhe Khloe për shtëpitë, por sipas “Variety” secila prej tyre kushton 10 milionë dollarë.
Ndërkohë nuk dihet edhe nëse Khloe do të lëvizë bashkë me Tristan Thompson apo vetëm me vajzën e saj. Këto ditë në media ka qarkulluar një lajm, sipas së cilit Tristan ka tradhtuar sërish Khloe-n.
Një 23-vjeçare e quajtur, Sydney Chase, pretendon se ka shkuar me Tristan Thompson dhe se për herë të fundit ka kontaktuar me futbollistin pas 3-vjetorit të vajzës së tij, True.
23-vjeçarja ka shpjeguar situatën me detaje në një video të publikuar në TikTok. Ajo ka treguar se ka pasur një lidhje të shkurtër me Tristan në muajin janar, pasi basketbollisti i kishte thënë se ishte beqar. Si fillim ajo foli në lidhje me këtë çështje në një intervistë.
“Ai më tha se nuk ishte më në një lidhje, kështu që thashë në rregull. Ne biseduam, jemi shoqëruar shumë herë, kemi dalë së bashku. Ndodhi dhe pastaj zbulova se ai nuk ishte beqar dhe e ndava”, është shprehur Sydney në një intervistë.
“Në këtë intervistë, mu bë një pyetje nga mikesha ime Hayden, që unë ju përgjigja me sinqeritet. Megjithatë zbulova një informacion personal për Tristan, për të cilën kërkoj falje, sepse nuk duhej ta kisha bërë këtë gjë. Kemi pasur një lidhje në të shkuarën, më pas unë zbulova se ai ishte në një lidhje dhe i dhashë fund gjërave. Në këtë intervistë, gjërat u ngatërruan teksa ne ishim duke pirë.
Ne jemi takuar për herë të parë në 11 nëntor dhe atëherë nisi gjithçka. Dhe hera e fundit që ne kemi pasur kontakt ishte dita pas ditëlindjes se vajzës së tij, sapo ai u rikthye në shtëpi nga Bostoni”, ka shpjeguar Sydney Chase në videon e saj në TikTok.
