Lei Kraja është një ndër vajzat më simpatike të ekranit dhe gjithmonë është nën lupën e fansave të saj. Sa herë që ajo ndan foto në rrjete sociale, ndjekësit e saj shikojnë me kujdes çdo detaj. Ajo është shumë aktive në rrjete sociale dhe gjatë bisedave virtuale është treguar gjithmonë e sinqertë me ndjekësit.
Së fundmi ajo ka zhvilluar një intervistë të shkurtër me ta dhe kurioziteti më i madh i ndjekësve lidhej me faktin nëse moderatorja ka kryer ndërhyrje apo nëse përdor photoshop në foto.
“E përdor photoshop-in?”, e ka pyetur dikush.
“Duh sigurisht që po. Kush thotë ndryshe gënjen”, është përgjigjur Lei, ndryshe nga shumë vajza që nuk e pranojnë këtë gjë.
Ndërsa sa i përket ndërhyrjeve kirurgjikale, moderatorja është shprehur:
“Unë nuk është se kam bërë, por nuk jam kundër. Thjesht jam kundër kur shndërrohesh në një person tjetër”, është përgjigjur Lei.
Moderatorja ka humbur shumë kilogramë këto kohë dhe ka treguar se në fakt nuk ka ndjekur asnjë lloj diete.
“Duke mos mbajtur dietë. I urrej dietat. Thjesht jam dobësuar se kam pasur shumë ngarkesë. Punë dhe shumë leksione online”, ka treguar Lei.
Para disa javësh, Lei pati një reagim të ashpër kundër të gjithë personave që bëjnë komente negative në profilet e personazheve të famshëm. Moderatorja postoi një foto si për pasaportë dhe mes fjalëve pozitive nuk munguan as komentet thumbuese, pikërisht kjo gjë nxiti reagimin e moderatores.
“Të gjithë kanë të drejtë të kenë mendimet e tyre. Jo të gjithë do të të pëlqejnë. Kjo është totalisht në rregull. Por e dini çfarë ndodh kur dikush komenton shumë negativisht ose në mënyrë ofenduese?
Unë të bëj bllok. Ti nuk ke privilegjin të marrësh një përgjigje nga unë.
I dua të gjithë ndjekësit e mi pozitivë! Ju falënderoj për energjinë pozitive”, shkroi Lei në një postim.
