Kim Kardashian tashmë është një grua beqare dhe pritet që statusi i saj i ri të zyrtarizohet së shpejti. Së fundmi ajo është vënë qendër të vëmendjes për një romancë me mikun e saj më të mirë, Vans Jones. Ata kanë qenë shokë për vite me radhë ndërsa ditët e fundit kanë nisur aludimet se miqësia mund të ketë kaluar në një stad tjetër.
Nga ana tjetër, fansat kanë akuzuar menjëherë Kim se po përdor Jones për të përfituar në karrierën si avokate.
”Njerëzit do ta shikojnë Kim-in duke përdorur Kanye për ta përparuar në botën e modës dhe Van Jones për ta ndihmuar në karrierës së saj të ardhshme në ligj”, shkroi dikush në Twitter.
Ndërkohë mes gjithë këtyre thashethemeve që po ziejnë prej ditësh në rrjet, Kim është shfaqur për herë të parë në publik. Së fundmi, ajo është fotografuar duke dalë nga një hotel dhe për të mos u njohur nga njerëzit rreth e rrotull , Kim kishte vendosur një paruke me flokë bjond, kapele dhe syze.
Një burim pranë Kim ka treguar më herët për “E! News” se ajo po e përqafon këtë kapitull të ri në jetë dhe po shijon çdo minutë të tij.
“Kim po kënaqet shumë këto kohë. Ajo ndjehet e lirë dhe shumë e lumtur. Është një epokë e re për Kim. Asaj po i pëlqen shumë fakti që del me miqtë, takon njerëz të rinj dhe që mund të dal jashtë sërish e lirë”, ka thënë burimi, duke shtuar se të gjithë janë të lumtur që ajo po krijon më shumë kohë për veten e saj.
