Në 28 nëntor, Gold Ag dhe bashkëshortja e tij, Ermira Shkodra, u bekuan me një djalë që e pagëzuan me emrin Gueril. Disa muaj më parë Guerili mori edhe nënshtetësinë shqiptare, por ne nuk jemi njohur ende me të voglin. Gold Ag është përpjekur ta mbajë larg syrit të publikut, duke mos publikuar asnjë foto të portretit të tij.
Sot i vogli feston 5 muaj jetë dhe nuk kishte si të mungonte një postim në rrjete sociale nga reperi. Ai ka publikuar në Facebook një foto duke mbajtur mbi dorën e tij, dorën e të birit.
“Djali jem i urtë, kjo dorë është e sigurtë. Sot 5 muaj 28 prill”, ka shkruar reperi përkrah fotos.
Para disa ditësh Gold Ag dha një intervistë për “Prive”, ku foli më gjatë për jetën e tij të re si baba dhe Guerilin. Ai tregoi se vogëlushi i ngjan më shumë atij dhe se vetëm sytë i ka si bashkëshortja, Ermira.
“Më ngjan mua, edhe nga fotografitë kur kam qenë unë i vogël ashtu duket dhe nëna ime kështu thotë. Sytë i ka si të Ermirës. Është diçka që nuk është as në dorën time, as në dorë të Ermirës, kështu ka dashur Zoti, kujtdo t’i ngjante nuk do të kishte rëndësi, e rëndësishme është që të ketë shëndet”, tha Gold Ag.
Kur u pyet nëse kanë plan ta bëjnë Guerilin me një motër ose vëlla, Gold Ag tha:
“Guerili u nis me plan, por ata të tjerët që do vijnë pas tij nuk e di. Ishallah ta ketë shëndetin ai dhe ne dhe ishallah bëhet jo me një motër dhe një vëlla, por me plot motra dhe vëllezër”.
