Natën midis 26 dhe 27 prillit mund të vëzhgojmë Superhënën Rozë. Është një super hënë sepse ndodhet në pikën më të afërt të orbitës së Tokës dhe në të njëjtën kohë është hënë e plotë. Emri rozë iu dha nga amerikanët vendas dhe s’ka të bëjë me hënën, por me pranverën.
Hëna e plotë ose faza në të cilën Hëna është në opozitë me Diellin, është plotësisht e dukshme nga Toka dhe ekzaktësisht do të verifikohet në orën 5.31 të mëngjesit të 27 prillit. Por kjo nuk do të thotë që duhet të zgjohemi pa gdhirë për të shijuar superhënën, pasi do ta ruaj këtë efekt deri mëngjesin e 28 prillit. Me pak fjalë, kemi kohë. Por, mos prisni të jetë ngjyrë rozë.
Hëna rozë e ka marrë emrin, siç thamë më lart, nga fiset vendase amerikane për shkak të myshkut rozë, një bimë që lulëzon dhe kultivohet gjeësisht në Shtetet e Bashkuara qëndrore dhe lindore. Është një nga lulet e para dhe më popullore të sezonit të pranverës, shkruhet në faqen e NASA. Kjo hënë gjithashtu quhet ‘hëna e barit që rritet’, ‘hëna e vezëve’ dhe në fiset afër bregdetit quhet ‘hëna e peshqve’, meqë është periudha kur një lloj i veçantë peshqish notojnë kundër rrymës për të depozituar vezët e tyre.
