Ajo sapo ka fituar një çështje ligjore kundër një regjisori që pretendonte të drejtat vizuale të albumit të saj të ri “Lemonade”. Ndaj nuk është çudi përse Beyonce u fotografua e qeshur në “US Open 2016” në New York të enjten, bashkë me reperin Jay Z, 45 vjeç.
Ylli i muzikës pop u sigurua që të gjithë të kthenin kokat te pjesa me lule e dekoltesë, të cilën e kishte kombinuar me një fund të bardhë dhe një kaftan që i jepte mjaft klas veshjes së saj.
34-vjeçarja po shijon sukseset e shumta së fundmi, pasi performanca e saj në MTV Video Music Awards, u cilësua nga më të mirat si dhe arriti të rrëmbejë tetë çmime.
Pas gjithë këtyre çmimeve, diva e muzikës pop dhe bashkëshorti Jay-Z, e meritonin një natë jashtë. Duke qenë të dy admirues të sportit, ata zgjodhën hapjen e garës së madhe të tenisit “US Open 2016” në New York.
*Shfleto galerinë
