Arbenita dhe Fero janë zyrtarisht prindër!
Pritjes së ëmbël i ka ardhur fund dhe në mëngjesin e sotëm Arbenita ka sjellë në jetë një vajzë, të cilën cifti e ka pagëzuar me emrin Nina. Ajo ka publikuar një foto në Instagram menjëherë pas lindjes, ku shihet duke mbajtur në krahë vogëlushen. Imazhin e saj ajo e ka mbuluar me figurën e një zemre, për të rujatur privatësinë e vajzës së porsalindur.
“24.04”, ka shkruarArbenita përkrah fotos, duke zbuluar kështu ditën e ardhjes në jetë të vajzës.
Së fundmi, Arbenita ka zbuluar dhuratën e parë që ajo ka marrë. Bukuroshja ka publikuar një foto në InstaStory ku shihet një biberon i personalizuar në ngjyrë rozë, me emrin Nina.
Vetëm pak ditë para se vogëlushja të vinte në jetë, Arbenita dhe Fero rrëfyen ndjesitë e tyre të para si prindër. Fero tregoi se në fillim nuk e kishte besuar lajmin e shtatzënisë së Arbenitës, por me kalimin e kohës është mësuar me këtë fakt. Ndërsa Arbenita tha se në fillim të shtatzënisë kishte pak komplikacione si gjithë gratë, por më pas gjithçka kaloi.
“Po e kaloj shumë mirë si periudhë. Në fillim kam pasur pak komplikime me të vjellat, kam humbur pak peshë, por në trisemestrin e tretë gjithçka është në rregull, tashmë po presim vetëm të vijë dita. Është shumë ndjenjë e veçantë, por dua të përjetojë atë momentin kur të lindë dhe ta kem në krahë se ai është moment i paharruar në jetë”, tha modelja.
