William dhe Kate Middleton, festojnë pas pak ditësh 10-vjetorin e martesës.
Prestigjiozia “Daily Mail” ka publikuar disa foto të çiftit mbretëror, duke treguar se si dashuria e tyre është rritur me kalimin e kohës.
Me fotot e mëposhtme çastet e tyre të para si të fejuar, ditët e tyre të zakonshme apo takimet e ndryshme. Imazhet e rralla si këto zbulojnë evolucionin e romancës së Princit William dhe Kate Middleton.
Ata shihen me njerëz përreth apo duke kaluar kohë me familjen, ku dashuria dhe respekti i tyre për njëri-tjetrin vihet re qartësisht.
Kujtojmë se para se princi George të bëhej gati për të nisur klasën e parë, Princi William dhe bashkëshortja e tij Kate kanë jetuar në shtëpinë e tyre në fshat, 2 milje larg rezidencës së Mbretëreshës.
Ndërtesa e quajtur ‘hall’ daton që në shekullin e tetëmbëdhjetë. Dikur, kjo vilë përdorej nga Duka dhe Dukesha e Kent-it, e ndërsa më vonë nga shoku i ngushtë i princit Charles.
Kjo shtëpi ishte dhurata e dasmës për William dhe Kate nga Mbretëresha. Doni të dini sa kushton e gjitha? 30 milion £.
Kësaj ndërtese i është bërë një restaurim i brendshëm që ka kushtuar 1.5 milion £, ndërsa pyjet rreth e rrotull janë një domosdoshmëri për ta bërë ambientin e familjes sa më privat.
Ky është maksimumi që mund të shohim nga super vila e çiftit mbretëror, pasi sigurisht që paparacët s’lejohen më pranë se kaq.
Me rikthimin në Mbretërinë e Bashkuar, Princ Harry takoi nga afër edhe vëllain e tij Princin William e Dukeshën Kate Middleton. Ndonëse marrëdhënia e tyre ka qenë në buzë të greminës, Harry dhe William u shfaqën në ceremoninë mortore të gjyshit të tyre, princit Phlip, duke komunikuar me njëri-tjetrin. Pas funeralit ata bënë një shëtitje bashkë dhe shkëmbyen disa fjalë.
