Vanessa Hudgens dhe Cole Tucker, çifti më i ri i showbiz-it u njohën përmes Zoom-it. Në një intervistë për Entertainment Tonight, aktorja rrëfeu se romanca e tyre nisi nëntorin e kaluar.
“Unë dhe Cole u takuam në një grup meditimi në Zoom. Shumë rastësisht, po. Ai është thjesht perfekt për mua. Jam me të vërtetë e lumtur. Mendoj se është e rëndësishme të jesh mirënjohës për gjithçka që ke në jetë. Unë e kam bërë atë një përparësi dhe ndihem sikur thjesht magjia po ndodh më shumë.”, tha aktorja.
Në fund të nëntorit të kaluar, dyshja u pa bashkë në publik, teksa ishin të kapur dorë për dore.
Dyshja e famshme konfirmuan lidhjen e dashurisë në Ditën e Shën Valentinit përmes një fotoje në rrjete sociale, ku shfaqeshin duke u puthur.
Kjo lidhje e re për Vanessa-n vjen një vit pas ndarjes së saj të bujshme nga lidhja 8-vjeçare me Austin Butler.
Siç raportuan mediat e huaja asokohe, aktorja dhe Butler vendosën t’i japin fund pasi distanca s’po i bënte mirë marrëdhënies së tyre. Gjithashtu, ata kishin drejtime të ndryshme në jetë ndaj vendosën të ndahen.
Fillimisht, ndarja nuk ishte përfundmitare dhe dyshja vazhdoi të mbante kontakte e të ruante respektin për njëri-tjetrin, por duket se një dashuri e re ka trokitur në derën e Vanessa-s.
Në nëntor të vitit 2020, Hudgens u shpreh për “Entertainment Tonight se çfarë po kërkonte në partnerin e ardhshëm.
Aktorja tregoi se mbi të gjitha, ata duhet të kishin interesa të përbashkëta dhe kaq mjaftonte që ta bënte atë të lumtur.
