Kohë më parë, mes dy kushërirave Beatrix Ramosaj dhe Anxhelina Hadërgjonaj nisën konfliket dhe rrjetet sociale i nxorrën zbuluar.
Dikur ato kalonin shumë kohë bashkë dhe postonin vazhdimisht foto me njëra-tjetrën, mirëpo jo vetëm foto që nuk publikuan, por as nuk ndiqeshin më në Instagram.
U tha se arsyeja e sherrit ishte miku i ngushtë i Anxhelinës, grimieri i famshëm Ariel.
Sipas këtyre zërave, Beatrix i kishte kërkuar Ariel-it ta ndihmonte për karrierën e saj në Amerikë, mirëpo kjo nuk i kishte pëlqyer Anxhelinës, e cila ishte bërë xheloze.
Vajzat preferuan të mos e komentojnë këtë ngjarje në media, por një vit pas sherrit të bujshëm gjërat mes tyre u rregulluan.
Dy kushërirat dolën së bashku me mamatë e tyre dhe kanë kaluar kohë me familjen, duke treguar se gjithçka është rregulluar.
Së fundmi, në një rrëfim për “Prive”, Anxhelina ka sqaruar një herë e mirë të gjithë ata që kanë aluduar se shkaku i zënkës midis kushërirave ishte grimieri, Ariel.
Ajo i ka hedhur poshtë këto dyshime duke theksuar se mes tyre ka pasur thjeshtë një zënkë të vogël e tani gjërat janë krejtësisht në rregull.
“Shkruhen shumë gjëra në internet dhe nganjëherë them që do të nxjerr një story dhe do t’i sqaroj, por pastaj them se pse të sqarohem se njerëzit kanë për të folur çfarë të duan dhe kështu që me Beatrixin ka qenë një zënkë e tipit: pse ma dhe e pse ta dashë, jepma mua, e pata unë, pa lidhje. Beatrixit i met hatri shumë. Më pati hequr nga followersat, e pati me mua dhe hoqi mamin, Agnesën, i hoqi të gjithë. Pastaj dhe unë e mbajta inatin, thoja pse ma ka hequr follow-in.
Unë u bëra gati të thoja se nuk ka lidhje çfarë thonë njerëzit se unë Beatrixin e kam si Agnesën, motër. Normal që të mbet hatri shumë tek dikush që e do sesa tek dikush që nuk të intereson, kështu që më vinte shumë inat kur thonin njerëzit që janë “hangër” se s’ka dashur që Arieli t’i ndihmojë. Unë për të ndihmuar Trixin bëhem copë vetë. Më vinte shumë inat kur thonin njerëzit që janë zënë për këto gjëra banale, por nuk është e vërtetë, ka qenë një zënkë, një diçka pa lidhje në shtëpi ashtu por ka qenë hëna më e plotë a nuk e di dhe e ka mbajtur më shumë inatin.”- është shprehur Anxhelina Hadërgjonaj për sherrin e bujshëm mes saj dhe Beatrix-it.
