Një modele 29 vjeçare, e quajtur Priscilla shpreson shumë që ngjashmëria e saj me Rihannën do t’i sjellë çmimin e madh në konkursin e “Miss BumBum”.
Ajo është shprehur se këngëtarja e famshme është frymëzimi i saj.
Modelja bukuroshe nga Brazili, beson se i ngjan shumë këngëtares së famshme, si prej tipareve të saj fizike si dhe aspiratave.
Kjo modele me lëkurën në nuancë çokollate, sytë mahnitëse dhe flokët e zinj, mund të thuhet me plot gojë se është një sozi e këngëtares së njohur.
Rihanna vendos trende të reja në botën e modës dhe kjo është pak, por e sigurt.
Me dhjetëra herë kemi parë Riri-n të shfaqet në publik me kombinime veshjesh që s’i kemi praktikuar më herët dhe boom, ditën tjetër të gjithë janë veshur si ajo.
Përsa i përket jetës personale, Rihanna dhe A$AP Rocky përfliten që prej dhjetorit të vitit të shkuar për një histori dashurie. Dyshja nuk janë shfaqur shpesh në shoqërinë e njëri-tjetrit për ta mbajtur sa më larg vëmendjes mediatike lidhjen, por nuk i shpëtojnë syrit të paparacëve sa herë dalin bashkë.
Pak ditë më parë, si rrallëherë ata janë parë bashkë në Los Angeles dhe fotot e tyre janë shpërndarë me shpejtësi në rrjet. Artistët janë parë duke u larguar pasi kanë darkur dhe të dy ishin veshur me xhaketë në material lëkure.
