Tre vite më parë ndërroi jetë në mënyrë tragjike DJ-i i famshëm suedez, Avicii. Ai u gjet i vdekur në Muskat, Oman, në një hotel luksoz ku kishte vrarë veten në moshën 28-vjeçare.
Në këtë ditë të veçantë, atë e kanë kujtuar familjarë dhe miq të ngushtë.
Po ashtu edhe këngëtarja shqiptare me famë botërore, Rita Ora e ka kujtuar të ndjerin përmes një postimi në InstaStory.
“Tri vite sot. Sa e dhimbshme. Pusho i qetë Avicii”, ka shkruar Rita krahas fotos së Dj.
Ora ka bashkëpunuar me të ndjerin në një projekt muzikor të publikuar në muajin shtator 2018, që mban titullin “Lonely Together”.
Kujtojmë se i riu kishte probleme me alkoolin dhe vazhdonte të performonte pavarësisht shëndetit të rënduar mendor. Në vitin 2014, ai u shtrua në spital dhe u detyrua të hiqte fshikëzën e tëmthit dhe apendicitin.
Lajmi për ndarjen nga jeta papritur e DJ-it të famshëm Avicii, tronditi jo vetëm familjarët por të gjithë fansat dhe bashkëpunëtorët e tij. Një prej tyre ishte edhe këngëtarja Rita Ora, e cila u trondit nga kjo humbje.
Ajo ishte e pranishme para pak vitesh në një koncert në në Amsterdam të Hollandës, ku para performancës i dedikoi Aviciit një minutë heshtje. Me lot në sy, Rita pas disa fjalëve prekëse, ka përformuar këngën dhe bashkëpunimin me Avicii-n , “Lonely Together”. Ajo emocionoi edhe të pranishmit, ndërsa zëri i dridhej.
