Këngëtarja shqiptare, Gjira Kajtazi prej vitesh është larguar nga muzika duke mos sjellë asnjë projekt të ri për fansat e saj.
Së fundmi, ajo ka realizuar një bisedë virtuale me ndjekësit e saj në Instagram ku i ka dhënë përgjigje mjaft pyetjeve. Ndërsa të gjithë janë kurioze për arsyen se pse Gjira është shkëputur nga muzika, ajo i ka habitur të gjithë me përgjigjen e saj.
“Pse u ndave nga muzika?”, e ka pyetur ndjekësi/ja.
“Sepse më ka tradhtuar”, ka shkruar këngëtarja.
Kujtojmë se në muajin janar Gjira ka mirëpritur në jetë fëmijën e saj të dytë! Ajo është bërë nënë e një vajze, ndërsa lajmin e bukur e ka dhënë vetë në rrjete sociale.
Ajo ka ndarë një foto të dorës së bebushes, duke zbuluar gjithashtu edhe emrin e saj.
“Përshëndetje botë! Kjo është super vajza ime, Lana Ibrahimaj. 29.01.2021, 10:40, 49 cm, 3,5 gr :-)”- ka shkruar Gjira.
Në muajin prill të vitit 219, Gjira Kajtazi u bë nënë e një vogëlushi të cilin bashkë me partnerin e saj vendosën ta quajnë Maël.
Më herët, teksa ka ndarë në rrjete sociale një eko të së bijës, ajo i ka bërë një premtim publik që para se ta sillte në jetë.
Gjira ka premtuar se nuk do të sillet kurrë si një nënë tipike, për të mos e vënë vajzën në siklet para shoqërisë që do të ketë.
