Kur flasim për një nga çiftet më të famshëm të Hollivudit, me siguri po mendoni një festë të madhe dhe luksoze për përvjetorin e tyre të martesës. Është fjala për Angelia Jolie dhe Brad Pitt, dy aktorët e njohur, të cilët e kanë mundësinë që çdo pushim ëndrrash ta bëjnë realitet.
Mirëpo, ndryshe nga se mund të mendojnë të gjithë, Angelina dhe Brad kanë vendosur të kalojnë një përvjetor martese mjaft modest. Ata kanë pushuar një ditë në hotelin “Beverly Hills” pasi kanë darkuar në një restorant romanik. Të nesërmen ata janë larguar nga hoteli duke iu rikthyer angazhimeve të tyre personale.
Burime për “US Weekly” kanë thënë se çifti nuk është shoqëruar nga fëmijët e tyre dhe kanë kaluar një kohë mjaft të mirë duke kujtuar kohërat e vjetra në të cilat ata kapeshin vazhdimisht prej paparacëve duke darkuar.
Çifti Jolie dhe Pitt dëshirojnë të mos ekzagjerojnë për të sofistikuar festimet e tyre në çift, pasi kur vjen fjala tek dashuria, ajo nuk ka nevojë për shumë zbukurime pasi është e bukur në thjeshtësinë e saj. Angelina dhe Brad u martuan zyrtarisht në 2014 në një dasmë të thjeshtë me praninë e fëmijëve të tyre.
