Një ndër dyshet më të përfolur të momentit janë Ledjana dhe Mevlani. Ata po shihen dita-ditës dhe më të afërt me njëri-tjetrin pasi bënë deklaratën se janë në programin “Për’puthen” vetëm për njëri-tjetrin.
Së fundmi, Ledjana ndau me ndjekësit e saj në InstaStory video ku shfaqej duke udhëtuar në makinë së bashku me Mevlanin teksa dukeshin mjaft të lumtur.
Ata viheshin re duke i kënduar njëri-tjetrin dhe konkurrentja këto imazhe i shoqëroi me një ‘emoji’ zemër, si dedikim për Mevlanin.
Nga ana tjetër, Mevlani ka publikuar së fundmi një foto ku shfaqet bashkë me Ledjanën në Instagram, krahas së cilës i ka dedikuar Ledjanës një varg nga kënga e tij më e re në bashkëpunim me Julin.
“Kjo dashnia por si zjarri”, ka shkruar Mevlani.
Ajo që i mori të gjithë vëmendjen ishte komenti që bëri Ledjana.
“Ahh për mua ka me t’marrë malli”, ka shruar ajo duke ngjallur kështu mjaft diskutime në rrjet, të cilën me siguri e ka thënë në formë shakaje si vazhdim i këngës së Mevlanit.
Kujtojmë se deklarata e tyre për njëri-tjetrin ka ardhur pas 8 muajsh që ata kanë qenë pjesë e programit. Gjatë kohës që ishin duke shijuar një gotë verë në shoqërinë e njëri-tjetrit, Mevlani i tha Ledjanës se është brenda në emision vetëm për të.
“Siç të kam lënë gjithmonë të lirë, kështu do të lë. Siç ta kam dhënë unë ty, kërkoj sinqeritetin tënd , asgjë më tepër nga ty. Unë di të them që aty brenda jam vetëm për ty. Unë nuk shoh asnjë person tjetër aty”, u shpreh Mevlani, teksa e pyeti Ledjanën nëse edhe ajo do të bënte të njëjtën gjë.
Ledjana u rezervua në takim dhe përgjigjen e shumëpritur ja dha para të gjithëve.
“Unë i them që jam vetëm për të në program, dhe nuk më intereson asnjë djalë tjetër”, tha ajo para se të ngrihej nga karrigia dhe t’i dhuronte Mevlanit një puthje në faqe.
