Don Xhoni është reperi më i ri, i cili spikati në emsionin “Gjoni Black” të Meriton Mjekiqit. Freestyle “Make a pose” është bërë mjaft virale në rrjet duke thyer kështu kufijtë.
Në TikTok u krijua një trend me këtë “freestyle”, ku persona të ndryshëm anë ë kënd botës publikonin video ku hapnin sfida me kërcimin e Don Xhonit.
Reperi ka publikuar para pak minutash në Instagram videon e një modeleje ruse e cila argëtohet me këtë këngë të tij dhe e fton Don Xhonin në Rusi, duke iu drejtuar me përkëdheli “bebi” reperit shqiptar.
Para oak kohësh, ai ka rrëmbyer dhe vëmendjen e futbollistit të madh brazilian, Douglas Costa. Ky i fundit publikoi një video teksa e ndjek nga televizioni Don Xhonin duke performuar “Make a pose”.
Kujtojmë se reperi lancoi tre ditë më parë projektin e parë muzikor për këtë vit, të titulluar “Maffia”.
Muzika është realizuar nga producenti Rrzon, ndërsa ‘beat’-i nga: Rrzon, Pllumbi dhe Torch Music. Ndërkohë për tekstin është kujdesur vetë reperi. Klipi i këngës është realizuar në Kosovë nga produksioni Sekuencë Studio.
Ky projekt është pritur me padurim nga fansat dhe është pëlqyer shumë, aq sa ka thyer rekorde tre ditë pas publikimit.
Siç tregon edhe vetë i lumtur Don Xhoni, në tre ditë kënga e tij ka arritur 2 milion klikime në Youtube.
“S’po ec diçka hiç. Gëzuar për dy milion në tre ditë”- ka shkruar ai.
