Moderatori i njohur Meriton Mjekiqi është rrëfyer së fundmi për gjithçka – nga jeta personale, raporti me ish-gruan, sherret në estradë dhe emisionin e tij në emisionin “NIN” të Klan Kosova.
Gjatë intervistës, ai sqaroi edhe se ekipi i tij kujdesen për mysafirët që do të jenë pjesë e emisionit.
“A është e vërtetë që ju kërkon para për të dalë në emision?”, e pyeti gazetari.
“Për këtë gjë merret ekipi im, nëse është me lek apo me diçka, por për momentin jemi okay. Merren njerëzit përgjegjës që presin mysafirët sepse unë kam punë të tjera dhe nëse kërkohet lek apo diçka marketingu paguhet kudo në botë, nuk është diçka “wow”. Marketingu paguhet kudo në botë, është biznes dhe ne në rregull jemi”, tha Meritoni duke lënë të kuptohet se edhe dalja në emsionin “Gjoni Black” ka një kosto.
Ai gjithashtu është pyetur edhe për një bisedë private që kishte publikuar Varrosi me ish partneren e tij.
“Si mundet që një mashkull të bie në nivel të tillë, për shkak se unë nuk bien në nivel të një partnere të Varrosit ose të Noizyt ose kushdo qoftë të grupit se edhe unë kam djem në Londër e shok në Londër që munden me qenë më të frikshme se kjo biseda.
Kam biseda më të frikshme me ish partneret e tyre ndoshta edhe më intime, por i kam 25 vjet dhe jena pjek dhe kur flitet për moralin, aty duhet me pas shumë kujdes.
Ata që më njohin e dinë më mirë”, është përgjigjur Meritoni.
Madje, ai sqaroi edhe veprimin e ish-partneres, mamasë së djalit të tij, duke treguar edhe raportet aktuale që ka me të.
“Ajo nuk është tani gruaja ime. Egesta është mami i djalit tem. Djali jem është gjaku jem dhe për kurgjo në botë nuk e lejoj të ma largojë djalin. As me reagime të tilla, veprime të ulëta si një femër sepse unë jam baba i djalit” – ka thënë Meritoni.
