Sot e njohim të gjithë si prezantuesja e emisionit humoristik, “Portokalli”, por Xhemi Shehu ka kaluar nëpër shumë sfida dhe prova për t’u shndërruar në një “yll televizioni”.
Me bukurinë që e karakterizon dhe aftësitë në të moderuar ajo ka arritur që të tërheqë vëmendjen e publikut dhe të kthehet në një nga femrat më të dashura të ekranit shqiptar. Por jo të gjithë e dinë që Xhemi e ka nisur karrierën si balerinë. Ajo ka qenë pjesë e “Fiks Fare” si velina brune e emisionit investigativ.
Askush nga familja e saj nuk e priste këtë arritje. As babai i saj nuk u ka besuar dot veshëve kur një ditë të bukur bija e tij i tha se dëshironte shumë të shkonte tek “Fiks fare”. Por Balerina bukuroshe nuk qëndroi në vend.
Pas “Fiks Fare” Xhemit i besuan edhe një mision të madh, atë te prezantimit te një spektakli te përjavshëm veror, “Shtojzavallet”. Por pak kush e di që Xhemi pati një rrugë për të ndërtuar karrierën e saj edhe në Itali. Për një vit ajo u shkëput nga Shqipëria dhe shkoi në Itali, ku kishte mjaft projekte për të punuar në ekranet televizive italiane. Por çuditërisht Xhemi u tërhoq nga ëndrra italiane. E pyetur në atë kohë për arsyen për të braktisur projektet atje, Xhemi u shpreh:
“Kisha një projekt për në Canale 5 me Paolo Bonolis, sepse e kisha fituar atë audicion që në muajin prill. U tërhoqa jo se nuk doja, por regjistrimet e emisionit bëheshin në shtator-nëntor, dhe humbisja dy muaj nga shkolla këtu. Nuk më interesonte se, për herë të parë dua ta bëjë shkollën nga fillimi në fund. Ai projekt do më bënte të humbisja shumë, por këtë gjë nuk e doja. Të them të drejtën, Italia nuk bën për mua”.
Në Itali ajo ka punuar si fotomodele. Madje në një intervistë ka rrëfyer se i kanë propozuar që të pozojë nudo për revistën “Fox Women”, por nuk ka pranuar:
“Një foto nudo vetëm te pjesa e gjoksit, që do të vihej në koperinë, ndërsa në brendësi do të botohej CV-ja ime. Ishte revistë për ato femra që kërkonin të linçoheshin dhe që shkonte gjithandej. Unë s’e pranova, vetëm sepse nuk e ndjeja se doja ta bëja një gjë tw tillë. As kam për ta bërë kurrë! Mua më duket shume vulgare”.
Ndoshta arsyeja tjetër dhe më bindëse ka qenë personi i zemrës, të cilin ajo e njohu para se të shkonte në Itali. Vetë Xhemi nuk ka preferuar asnjëherë të flasë për jetën e saj private, edhe pse sot e njohin të gjithë familjen e saj, bashkëshortin Visi dhe dy djemtë e vegjël, Martini dhe Gabriel.
Edhe pse ata janë sot 3 djemtë më të rëndësishëm të jetës së saj, Xhemi nuk e ka lënë karrierën e saj televizive. Moderatorja e njohur u rikthye fuqishëm në spektaklin e humorit “Portokalli”, disa vite pasi ajo ishte pjesë e prezantimit përgjatë një sezoni në vitin 2006, bashkë me moderatorët e asokohe, Agron Llakaj dhe Amarda Toska.
Shumë pak kohë pas lindjes së djalit të dytë, Gabriel, Xhemi Shehu u rikthye në ekranin e “Top Channel” pikërisht si moderatore e të njëjtit spektakël ,“Portokalli”, ndërkohë që e kishim parë në programe të rëndësishme për vite me radhë, si “E diell”, “E dua vendin tim”, “Summer Fest” etj.
Rikthimi erdhi pas lindjes së djalit të saj të dytë, Gabriel, ndërkohë që djali i saj i parë quhet Martin. Mjaft në formë edhe pse kishte kaluar dy shtatzëni, Xhemi arriti të fitonte sërish zemrat e shqiptarëve dhe të bëhet një nga prezantueset më të dashura për publikun.
Nga java në javë, ajo ka dalë nga kornizat thjesht si prezantuese e çlirët para kamerave, duke u shfaqur si një “show girl”, ashtu siç është dhe tendenca për personazhet televizive që dinë t’i bëjnë të gjitha në ekran. Sot ajo shihet duke aktruar me personazhet e ndryshme të “Portokallisë”, veçanërisht me Florian Binaj, në rubrikën “Atentatet”. Asaj i besuan edhe drejtimin e një prej eventeve më të mëdha të Top Media, si “Top Awards”. Sot, Mami Xhemi ka dalë nga kornizat e prezantueses, dhe mund t’i bëjë të gjitha si një show-girl e vërtetë.
Burimi: Icon
*Shlfeto galerinë
